展示和把玩護膚品和贈品，是最開心的時刻，所以每月都會不定期地開心幾次。

圖、文：DIVASHK 時事專題記者Crystal

看大總管口中的宇宙級港女敗了甚麼：

Evie玫瑰花卸妝油，唔好睇佢包裝老土，好野泥架，有口皆碑。香薰油成份，不止卸得乾淨，洗完面膚質幼滑，品牌signature 產品。

Evie玫瑰花潤唇膏，已是第四次回購，除了病之外，嘴唇無再脫皮。

Evie hand cream，第一次買，非常香同滋潤。

Ami lyok 潔臉Gel，據講洗面都可以抗氧化，即時見到效果，但缺貨！要遲些先到手，睇下係咪真係咁神奇。

Browfood：是咁的，本來有兩條王小虎的眉，但那些任性而粗心大意的修眉大姐，一次又一次將我對眉修到不成體統的幼蟲，搞到現在相當凋零落泊。據講呢支東東的天然成分可以增生眉毛，七百幾蚊買個希望。

Synergie b3：回購n次，救返我塊臉，無石頭瘡，無痘印，無遍地開花的濕疹，完。

Synergie vitamin A：第二次回購，見到抑制黑色素，調節細胞正常的效果，有狀況的話，先後用A同B3係快些見效。尤其是夏天暴曬完，夜晚完用第二朝又一條好漢。

Synergie Masquerase：第三樽了，老實話你知，經過三個月人肉測試，主要功效並唔係補濕，但佢確實好滋潤同舒緩到皮膚的各種狀況，而且係即時，第二朝起身粒痘平左個種。而且我發現佢好好玩，因為cream狀，可以敷住食飯，慳返好多時間。

而除了搽臉，可以搽頸、手，甚至用來做foot mask！原本對手有兩處好頑固的濕疹，依家已經甚少發作，敷完過夜hand mask，第二日一整天都不用搽hand cream，最神奇係foot，皮膚回復返脹卜卜，千真萬確，腳趾堅係有光澤，問你死未。

但千萬不要用來做facial sleeping mask ，會有反效果，缺水毛孔勁粗大。