MCL驚喜加碼‧全新定價 5月22日起全線正價戲票$60

MCL院線之前推出戲票「買一送一」，影迷反應不俗。為咗鼓勵更多人重返戲院，享受大銀幕觀影樂趣，MCL院線決定驚喜再加碼，大刀闊斧重新釐定票價！由5月22日起，全線戲院（MCL長沙灣除外^）正價戲票一律$60*。無論你想一支公入場、拍拖甜蜜蜜孖住睇、約埋三五知己睇戲食飯直落、定係一家大細齊出動，都一樣咁抵睇；絕對係照顧到每一個想睇戲嘅人！想了解多啲全新定價嘅詳情，請瀏覽MCL院線官網及 Facebook 專頁。

目前MCL院線管理嘅戲院遍佈港九新界，任你去邊區嘅MCL戲院睇戲，都可以享受到呢個全新抵睇價；而且適用於戲院票房、網上、手機程式、自助售票機及電話購票。唔止票價親民，買飛仲咁方便，身為電影發燒友嘅你，抗疫同時不忘娛樂，記得戴好口罩，入場歎返齣心水好戲，支持香港電影業啦！