加菲貓40歲生日暑假輕鬆速遞 絕密曝光! 加菲貓偕聾貓青衣城食、買、玩 飲茶、按摩鬆一鬆

「唔好同人講啊！加菲貓噚日秘密到港啦，好朋友聾貓仲幫佢接風洗塵……」
「啱啱有網民影到加菲貓同聾貓去青衣城揼喵骨……」
「唔係喎，又有人見到加菲貓睇戲喎……」
「加菲貓同聾貓啊! 點解佢哋兩個睇落又肥咗……」

炎炎夏日，全球卡通人物經典之最、風靡大小朋友的《加菲貓》 (Garfield) 本應跟貓奴阿北在家食pizza歎冷氣，但有可靠消息指加菲貓竟然秘密來港仲夏鬆一鬆，今日更有網友拍下加菲貓現身港鐵公司旗下商場青衣城秘會好友聾貓，莫非加菲貓在踏入40不惑之年給自己一個大慶祝？

為慶祝加菲貓40週年盛典，港鐵公司宣佈旗下五大商場：青衣城、綠楊坊、海趣坊、新屯門商場及恒福商場將攜手為人氣巨星賀壽，全天候的生日慶祝活動迎合加菲貓的百變喜好：先「瞓」身投入青衣城夏日「食、買、玩仲夏鬆一鬆」後再「嚐」在綠楊坊；然後鎖定海趣坊、新屯門商場及恒福商場展開海洋之旅，五大港鐵商場為壽星貓展開長達兩個月的全方位360 度生日慶祝巡禮，規模空前盛大！

兩大創作泰斗Jim Davis＋小克聯手策動 青衣城加菲貓x聾貓巨人國大型裝置
為隆重其事，青衣城特邀本地神級多媒體插畫師小克(蔣子軒先生)以其筆下巨星聾貓為老朋友賀壽，於7月13日至9月2日期間呈獻【加菲貓孖住聾貓 嚟青衣城仲夏鬆一鬆】，兩位好朋友以放大版的聯乘裝置「瞓」身展示其「梳乎」的生活態度，幽默抵死的畫面超級呃like！兩位惺惺相惜的創作泰斗 ––– 加菲貓創作人兼美國殿堂級漫畫大師Jim Davis及小克更將於7月12日與粉絲近距離接觸，是次更是兩位合作多年來首次會面，敬請期待！

絕密曝光! 加菲貓偕聾貓青衣城食、買、玩　飲茶、按摩鬆一鬆
雖然兩位創作人於7月12日才與粉絲會面，但消息指加菲貓昨日已秘密抵港，還相約闊別多年的老友聾貓到青衣城，當大家以為兩位出名「大食懶」的巨星「轉性」提早為暑假大型裝置做準備，其實他們只是提早到青衣城食、買、玩鬆一鬆……加菲貓和聾貓甫見面即時來個擁抱，但無論左擁抑或右抱，兩位「幸福肥」的身形似乎未能調較至最佳角度……

聾貓更一盡地主之誼，帶加菲貓去行街shopping嘆冷氣(雖然加菲貓中間丟下聾貓去睇戲)、去揼喵骨鬆一鬆(加菲貓其實使橫腳踢走聾貓霸位)、飲下午茶tea一tea(實不相瞞加菲貓食晒全店的點心)，加菲貓更被捕獲偷偷獨食雪糕，被聾貓發現…… 果然是最佳損友！各位貓奴今個暑假密切期待【加菲貓孖住聾貓 嚟青衣城仲夏鬆一鬆】，跟著兩位主子盡情身心放空投入仲夏鬆一鬆國度、齊齊慶祝加菲貓40歲生日！