漢堡新潮流 Let’s FORK THE FUTURE!

有冇試過食漢堡包會唔見咗中間塊肉呢？最近我不時夢見呢個包，扎醒時又餓又驚，呢種感覺在一d 都唔「打耳」…… 但係點解嘅？點解發埋晒d 咁嘅夢嘅？我最近終於搵到答案。

冇耐之前我睇咗篇關於食物安全嘅文章，裡面提及到2050年，世界將會有90億人口，到時需要比現時多兩倍資源先可以餵飽全人類；如果我地仲搵唔到方法去種植更多農作物、餵飽家禽再餵飽人，個世界，尤其係發展中國家，又會變成點？喺考慮點樣增加肉類產量嘅同時，減少食肉似乎嚟得更加快捷。於是我地請教Green Monday 創辦人David，仲得到一個不得了嘅解決方法 ─ 以Beyond Meat 植物肉滿足「肉」望，同時舒緩地球糧食危機嘅壓力。

嚟自美國、由Green Monday 引入香港嘅Beyond Meat ，研發嶄新科技將天然植物製成「植物肉」，為大家帶嚟好味、有質感、有營養嘅植物蛋白質，仲吸引到Bill Gates、Twitter 創辦人Biz Stone等科技猛人投資，咁勁嘅產品點可以唔試？

走在最前嘅Urban Bakery 好榮幸能夠成為香港第一間以Beyond Meat 入饌嘅食肆，同Green Monday 合力炮製The Future Burger，為大家提供一個「身心零負擔」嘅選擇。大廚首先將Beyond Meat植物雞肉混合三種燴過嘅菇菌同照燒洋蔥做成「植物扒」，加埋法國青豆、青蔥醬汁同酸甜乾番茄增加口感，令味道更有層次；再將所有材料夾落新鮮軟熟嘅自家製法式小麵包 ─「無肉救地球」原來不是夢！

一於嚟置地廣場Urban Bakery Works 試下全港第一個Future Burger。想了解更多好味情報，記得密切留意Urban Bakery 同 Green Monday Facebook 喇！

 

Let’s FORK THE FUTURE!

 

售價： 每個HK$65

推廣時段：2015年8月24日 起逢星期一11am-3pm (至另行通知)

地址：中環德輔道中12-16號置地廣場3樓322號舖

電話：35654320