台風《文青仲夏夜市》PopWalk X Afternoon Market 抗癌勇士童年動物園點滴化正能量 台灣古董行李箱改造大鼓 全港首個真人emoji 扮嘢大賽及化妝派對

今個夏日大家齊齊走出冷氣房，到戶外同陽光和emoji™一齊玩遊戲，文青更可逛台風夜市尋寶唔駛成身汗﹗PopWalk 天晉滙與風靡全球嘅emoji™合作，攜手打造夏日動感滿FUN嘅暑期活動《PopWalk X emoji™ Summer Adventure》暑期大歷險，玩盡手機世界嘅鬼馬表情符號將化成3D emoji™遊走3期商場以海、陸、空夏日活動為主題場景裝置，和多個以水為主題嘅暑期戶外障礙賽，鼓勵孩子放下電玩多運動享受陽光。商場特別與Afternoon Market合作已於7月13至15日帶嚟大型戶外市集《文青仲夏夜市》，號召多達42位港台手作達人推廣獨家原創手作精品，《PopWalk X emoji™化妝派對》及全港首個《emoji™真人扮嘢大賽》為另一亮點，各位粉絲可打扮成最喜愛嘅emoji™為世盃決戰隊伍打氣。夏天消暑最佳方法，又點少得Shopping？PopWalk特別推出《夏日家居展銷》，多款家居實用貨品將以低價發售，幫大家慳盡每一蚊。

聯乘「午後市集」《仲夏文青夜市》率先Walk 睇波前與friend子齊齊尋寶
市集熱潮持續，更多文青投身市集行列。PopWalk X Afternoon Market繼上次推出《小王子市集》大受歡迎後，今次再度聯手於商場一期露天長廊首次試辦夜晚舉行嘅《仲夏文青夜市》，召集多達42位手作人設計別具創意嘅特色手作，7位手作人更從台灣遠赴來港擺檔吸客，讓大家於週末假期夜晚到室外閒逛尋寶，體驗台風夜市熱鬧氣氛和台灣純樸熱情民風。

台灣古董行李箱改造大鼓 型格upcycling穿vintage新裝
首次來港會本地文青粉絲的「有鼓氣音樂工作室Backbone Music」由台灣知名爵士鼓手張浩嘉所主理，音樂工作室由父親的日本料理店改造翻修而成，把古董行李箱改造成大鼓，也是張浩嘉upcycling得意構思，穿上不同顏色vintage 「新裝」的大鼓盡顯鼓手型格，又添手提流動實用性，深受台灣音樂紅人歡迎。

台抗癌勇士童年動物園點滴化正能量 迷你figure皮革配飾隨歲月顯色
台灣「哲飛雞」手繪布包手作人在機器及3C取代的社會仍堅持忠於自己，保持最初熱情做個快樂人，即使患癌仍保持樂觀積極，癒後重生復出，繼續剪、裁、縫和畫，把快樂帶給大家。他把小時候我們遊動物園喜歡過的動物畫出來造成隨身小物，陪大家一起完成夢想，因而被粉絲稱為「園長」。「Kara革小物」則為台灣年青一族figure潮物手縫迷你皮革鞋袋配飾，手作人愛強調手作溫暖感，以手工縫製的線條凸顯手感，以隨歲月越顯色的植鞣皮革造出不喧嘩不造作的美感。

玩字文青英文藝術書法紙雕傳正能量 手織物羊毛氈為生活帶來溫暖質感
「StylecStyle」手作達人結合手製紙雕、人像畫作和英文藝術書法，透過文字傳達正面信息。手作人表示紙雕並不多港人認識，坊間多以機器製造，希望以人手雕製和自創字體為作品添一份溫暖感，讓更多人欣賞紙雕藝術，當人們收到賀咭禮品時亦感窩心。同樣是玩文字創作的「一句制作」，喜歡手作的溫度及文字帶來的力量，在平凡的用品和配飾加上有力的字詞短句，為手作添上生命，她以「LOVE YOUR EXPERIMENT LIKE A CHILD」作品牌概念，期許自己變成勇敢的小孩，喜歡並積極嘗試每個想到的實驗，手作人辭掉穩定工作，開始一個人的創作旅程，希望透過創作連結生活中每個從陌生到相識的人。其他創意無限的手作人亦為我們生活注入清泉暖流，當中包括：「Dirty Wings」透過羊毛氈的柔軟度和可塑性製造出以動物為主題的產品，呈現動物的質感，為手機套帶來立體企鵝翼和熊抱臂彎，為人帶來溫暖、親切感及歡樂；現代織女「a.s.a.p. handmade」，品牌名字意指「Handmade as simple as possible」，堅持親手設計及編織每件產品，設計簡約，從心出發，不賣弄複雜技巧。藝人黃日華女兒黃芷晴創立的「ohmydeer」手製首飾和獨立歌手陳蕾Panther Chan創立的「Souvenirs Shop 蘇芬妮亞」押花油畫首飾文案亦齊齊以心思設計趁墟擺檔。

欣宜「女神感」棉花糖曲奇 香港釀造手工啤 一口滿載師傅心意
食食食乃台風夜市一大特色，今年市集特別引入不同的手工製食品，等大家可以一邊欣賞世盃盛事，一邊與摯愛親朋分享。藝人鄭欣宜開設的「Homie Cookies」亦直闖今次市集大賣曲奇，愛玩炸魚蛋曲奇等港式mix & match，棉花糖朱古力曲奇軟腍腍一入口充滿「女神感」。係香港全人手製作嘅「獅子山啤」顧名思義係獅子山下釀製，懷著香港人刻苦拼搏、自強不息、同舟共濟的精神，從香港人的手，做出屬於香港本土口味的啤酒，推動手工啤酒文化，讓大家懂得品嚐啤酒應該有的味道，而不只停留在「隊啤」和「劈酒」的層面。另外，仲有新鮮製造的「吾子果醬」，選用新鮮水果，加上成份天然的健康海藻糖，清新特別的口味讓人一試難忘。除左早餐搽面包之外，其實果醬仲可以配搭唔同的肉類或沙津，讓人耳目一新。

全港首個真人emoji™扮嘢大賽由頭到腳化身emoji™
為將熱鬧氣氛推到高峯，商場更搞搞新意思推出夏夜市集兼化妝party《PopWalk X emoji™化妝派對》及全港首個《emoji™真人扮嘢大賽》，悉心安排emoji™面部彩繪和cosplay服飾借用，讓大家化身真人版emoji™盡情selfie。大會現正公開招募全港扮嘢達人參加全港首個emoji™扮嘢大賽，參加者可以emoji™公仔為藍本，發揮無限創意大玩cosplay，屆時一眾emoji™角色雲集，較量模仿技巧，大會更設評判審核，優勝者可獲豐富禮品。一家大細由日玩到夜，齊齊收集Happy Moment，度過愉快Summer Time!

以水為主題暑期戶外障礙賽 鼓勵孩子放下電玩多運動
炎炎夏日，最好就係參加戶外活動享受陽光﹗PopWalk就準備咗連串戶外障礙活動比一家大細齊齊玩﹗充滿活力嘅小朋友齊闖《PopWalk x emoji™ Summer Adventure 夏日大曬歷奇障礙賽》，比賽設多個關卡，將2期戶外長廊打造成賽道，設置3個海、陸相關嘅路障，挑戰5至10歲小朋友嘅體能同智慧，讓孩子放下手機電玩，投入運動鍛煉體魄。在這個小孩未學寫字，先懂打emoji™嘅年代，各式各樣表情符號確係小朋友溝通嘅表達工具，感覺親切，emoji™將化身可愛啦啦隊為小朋友打氣，令小朋友更添勇氣衝衝衝，每日累計成績最好嘅參加者將獲遊樂場門券；參加者亦可獲贈emoji™紀念品。大顯身手後，仲可以秒速到商場內特色餐廳大歎各式美食，醫完肚繼續玩，分秒必爭。

3D emoji™夏日海洋冒險戶外歷奇打卡位率先睇
PopWalk今個夏日將虛擬手機世界嘅emoji™帶到商場，10多個不同造型嘅emoji™遊走三期商場，陪您玩盡暑假﹗PopWalk二期中庭化身成夏日海洋冒險場景，30多度高溫下，黑超笑臉emoji™做足防曬措施，準備好大顯身手﹗心心眼、微笑和單眼emoji™已經急不及待搶先大玩各種海、陸、空海上活動 - 衝浪、快艇、跳降傘、瀡滑梯零難度﹗海面上特大版瞇瞇眼emoji™等緊您坐香蕉船出海乘風破浪，齊齊海上暢遊擁抱陽光。矇豬眼emoji™玩到攰，偷偷地游到1期地下中庭充滿熱帶風情嘅高腳屋旁邊，歎住冰涼什果賓治，享受炎夏靜謐時光﹗仲有多個emoji™喺2期戶外露天長廊擺放擂台陣，等您嚟挑戰巨型版籃、足和排球球技﹗玩下玩下又嚟到3期中庭，型格黑超emoji™已經紥好營地，準備好camp fire等您嚟開營火會，開心唱遊﹗

《emoji™狂舞團》魅力四射不定時現身各區與您火熱勁舞 夏日家居展銷優惠
一班生動活潑嘅 emoji™狂舞團，已經蓄勢待發，將運動較量延伸至狂熱舞步，不定期於香港各處四出battle，一較高下﹗佢地更會係7月份去到PopWalk天晉滙及上水廣場與大家見面，鬼馬古惑嘅狂舞團成員，將大show活力爆燈嘅舞技，誓將現場氣溫推至高峯﹗鐵粉萬勿錯過大好selfie機會﹗商場更將於8月份舉行《PopWalk 夏日家居展銷》推出多重購物獎賞及激筍優惠，以至激價助您家居煥然一新，買得心頭好之餘仲可以換埋精美禮品或現金贈券，一舉數得﹗